Inform, Inspire, Embolden. Reconcile!

ተፈጥሮ እውን’ዶ ፖለቲካ?

ብሰሎሞን ኣበራ

ካብ መግዛእቲ ህግደፍ ሓራ ወጺኤ ናብ ኤውሮጳ ካብ ዝኣቱ ድሕሪ ሓደ ዓመት’ዩ ነይሩ፡ ግጥም ኩዕሶ እግሪ ዋንጫ ዓለም ኣብዛ ዝነብረላ ሃገረ ጀርመን ዝተኻየደሉ፡ ክራማት 2006።

ሓደ ኣጋምሸት ኣብ ከተማ ፍራንክፈርት፡ ሓበሻ ብብዝሒ ኣብ ዝንቀሳቐሱሉ ከባቢ ማእከላይ መደበር ባቡር (hauptbahnhof) ብእግረይ እናተጓዓዝኩ፡ “እዚ ደኣ እቲ ጋዜጠኛ ድዩ፧’’ ዝብል ዘረባ’ኳ እንተሰማዕኩ፡ ጉዕዞይ ኣየሰናኸልኩን። “…..ኣንታ ሓወይ…..ስምዓኒ’ሞ….መን ኢኻ…ሰሎሞን….” ዝብል ጻውዒት ምስሰዓበ ግን፡ ስጉመይ ገቲኤ ቁሊሕ ክብል ግድን ነይሩ። እታ ዝጸወዓትኒ ሓብቲ፡ ሓንቲ ብግምት ኣብ ሓሙሳታት እትርከብ ኮይና፡ ምስኣ ከኣ ደቂ ሰላሳታት ዝመስላ ክልተ ኣሓት ነበራ።

“…..ሰላም እዚ ሓወይ…ሓቀይ ንስኻ ሰሎሞን ዲኻ፧…” ተወከሰትኒ እታ ዝጸውዓትኒ።

“….እወ…እዛ ሓብተይ…” መለስኩላ።

“ከመይ ኣለኻ፧”

“እግዚኣብሄር ይመስገን ጽቡቕ ኣለኹ። ንስኻትክን’ከ ከመይ ትኾና፧”

“ደሓን ኢና። ናብ’ዚ ምምጻእካ እኳ ሰሚዕና፡ ኣብ’ታ ካብ ኦፈንባኽ እትፍኖ መስትያት እትበሃል ናይ’ቶም ዝቃወሙ ተለቪዥን እውን ቃለመጠይቕ ክትገብር ርኢናካ። ኣብ ኢንተርነት እውን ወጺእካ ኔርካ’’ ኣስዓበትለይ።

“እወ ጽቡቕ ኣለኺ።”

“ደው ደኣ ከየብለካ እምበር ሓደ ነገር’ዶ ክዛረበካ ትፈቕደለይ፧”

ዋላ’ኳ ተሃዊኸ እንተነበርኩ፡ ረጊጸያ ኪኸይድ ግን ሕልናይ ኣይፈቐደለይን። “ሕራይ ቀጽሊ” ድማ በልክዋ።

ክልቴና እናተዘራረብና፡ እተን ሰማዕቲ ጥራይ ዝነበራ ኣሓት፡ ብዓይኒ ስክፍታ ክርእያና ድሕሪ ምጽናሕ

“ኣንቲ በጃኺ እንዶ ግደፊዮ እንታይ ገበረኪ፧….ወደይ ይቕሬታ ሰሌ ስቕ ኢላ ኢያ እዚኣ…..” እኳ እንተበላ፡ ጓልያቱ ግን ነታ ፈለማ ሰላም ክትብለኒ ዝጨበጠታ ኢደይ ከይፈነወት ዘረበኣ ቀጸለት።

“ስማዕ እንዶ ሰሎሞን ግዜ ከየጥፍኣልካ ከሕጽረልካ፡፡ ንስኻ ከም ሰብካ ኣብ ድሌትካ ክትነብር ናትካ ውሳነ ኢዩ። እንተኾነ ሃገር ሃገርካ፤ መንግስቲ መንግስትኻ ክትውቅስ ግን…..።” ክትብል ለበዋ ዝመስል ርእይቶኣ ድሕሪ ምፍሳስ ዓይኒ ዓይነይ ጠመተትኒ።

“እወ ሃገርሲ ሃገረይ፡ እንተ መንግስቲ ግን መንግስተይ ኪኸውን ግድን ኣይኮነን።” መለስኩላ።

“ኢሂ ደኣ መንግስትኻ ዘይከውን፧”

“ስለዘይመረጽክዎ።”

እተን ክልተ መሳንይታ ክስሕቃ እንከለዋ፡ ንሳ ግን ብነድሪ ከተስተንፍስ ተዓዘብክዋ። ምሕራቓ ኣይጠፍኣንን።

“ደሓን ናይዞም ኣብዚ ጸጸኒሖም ሰብ ዘጋግዩ ፍልስፍና’ሞ ግደፎ። መፍቶ ፈተውቲ ጸላእቲ ክንከውን ግን ግቡእ ኣይኮነን። ከብዲ’ኮ ካልእ ጸይሩ ኢዩ ዝኸይድ።” ብዝብል ህግደፋዊ ሸፈጥ ክትዓጥነኒ ድማ ሃቀነት።

“እሞ ዝብኢ እግረይ እናቖርጠመኒ፡ ‘ደሓን ስቕ በሉ፡ እቲ ዝብኢ ከይሰምዓና’ ዘይበልኩ ድዩ፧” ሓተትክዋ።

“ኣነ ከምኡ ማለትይ ኣይኮንኩን። ሕሰቦ’ሞ ሃገርና ድኽነትን ጸገምን ክህልዋ ይኽእል፡ እንተ ካልእ ማልእ ግን የብላን። ትርእያ ኣለኻ እዛ ዓለም፡ ገሊኣ ብሱናሚ፤ ገሊኣ ብህቦብላ፤ ገሊኣ ብእሳተ ጎሞራ፤ ገሊኣ ብምንቅጥቃጥ፤ ገሊኣ ብባርዕ፡ ከመይ ተቕለሉ ኣላ፧ እንተ ኣብ ዓድና ግን ካልእሲ ይትረፍ እዝን ወዲ ከምዝን እኳ የብልናን።” ዝብል መስደመም ዘረባ ምስፈነወትለይ፤

“…..ኣሃ…..ሳላ መንግስትና ሙሽ….!፧” በልክዋ ብዳእላ።

ሽዑ እውን እተን መሳንይታ፡ ገለ ሓለፍቲ መንገዲ ክሳብ ቁሊሕ ዝብሉ ብዓውታ ክስሕቃ እንከለዋ፤ እንተ መዓዲተይ ግን፡ ብሓውሲ ስንባደ ነታ ነዊሕ ዝሓዘታ ኢደይ ፈነወታ።

ዘረባን እምነትን ናይ’ታ ሓብትና ከምዝእምቶ፡ ህግደፍ ንተፈጥሮ እውን ክመልኽ ዝኽእል ክምህ ዘይብል ልዕለ-ሓያል (super power) ገይሮም ዝጥምትዎ ገርሀኛታት ዘይሰኣኑ ምዃኖም ኢዩ። እዚ ከኣ ካብ’ቲ እቲ ስርዓት ባዕሉ ንነብሱ ዝህቦ ዓርሞሾሻዊ ምስሊ ዝብገስ ከይኮነ ኣይተርፍን። ነዚ ጽውጽዋያዊ ምስሉ ንምንጽብራቕ ኢዩ ድማ፡ ጥር ኢሉ ንሓራምዝ ክዝልፍን ክጸርፍን ዝስማዕ። ምናልባት እውን እዚ ሕልማዊ ምስሉ ከይሃስሶ ይኸውን፡ ብዛዕባ’ቲ ኣብዚ ቅንያት ኣብ ሃገርና ዘጓነፈ’ሞ ብዓለሙ ዝተዛረበሉ እሳተ ጎሞራን ምንቅጥቃጥን ብዓውታ መግለጺ ምውጽእ ኣሕኒኽዎስ ወሰንወሰን ክብል ዝቐነየ። ኣብ መዝገበ ቃላት ህግደፍ ተፈጥሮኣዊ ተረኽቦ እውን ክስተር ዝግብኦ ፖለቲካ ኢዩ። ምናልባት እውን ብዝምልከቶም ዓለማዊ ትካላት ብዛዕባቲ ተረኽቦ እንተተሓቲቱ፡ “እንታይ ኣእትዩኩም እዚ’ኮ ውሽጣዊ ጉዳይና ኢዩ። ባዕልና ኣሎናዮ” ይብል ይኸውን። ይስተረና። 

Pinterest

Egyptian Frigates Patrolling Bab El-Mendeb Area

16 Apr 2015 Gedab News Comments (18)

It was reported on Wednesday that Jemal Bin Omer, the UN envoy to Yemen has submitted his resignation to the…

Ona: Nine-Meter Shroud

13 Apr 2015 Saleh "Gadi" Johar Comments (476)

As we push towards reconciliation, we have to expose the wounds of the past that always pop-up to hinder the…

Around fifty thousand Eritreans are stranded in Yemen

10 Apr 2015 Gedab News Comments (407)

Over 200,000 African refugees still remain stranded in Yemen, they are predominantly Somalis, Eritreans and Ethiopians. Chinese, Pakistani and Indian ships…

Archives: What Would Isaias Do? Peaceful Or Violent…

08 Apr 2015 awatestaff Comments (10)

The following was published in June 14, 2007 under the title "What Would Isaias Do?" Since then, the issues that…

Music

Cartoons

Links

Follow Us

Email
Print