Inform, Inspire, Embolden. Reconcile!

ተፈጥሮ እውን’ዶ ፖለቲካ?

ካብ መግዛእቲ ህግደፍ ሓራ ወጺኤ ናብ ኤውሮጳ ካብ ዝኣቱ ድሕሪ ሓደ ዓመት’ዩ ነይሩ፡ ግጥም ኩዕሶ እግሪ ዋንጫ ዓለም ኣብዛ ዝነብረላ ሃገረ ጀርመን ዝተኻየደሉ፡ ክራማት 2006።ሓደ ኣጋምሸት ኣብ ከተማ ፍራንክፈርት፡ ሓበሻ ብብዝሒ ኣብ ዝንቀሳቐሱሉ ከባቢ ማእከላይ መደበር ባቡር(hauptbahnhof) ብእግረይ እናተጓዓዝኩ፡ “እዚ ደኣ እቲ ጋዜጠኛ ድዩ፧’’ ዝብል ዘረባ’ኳ እንተሰማዕኩ፡ጉዕዞይ ኣየሰናኸልኩን።
“…..ኣንታ ሓወይ…..ስምዓኒ’ሞ….መን ኢኻ…ሰሎሞን….” ዝብል ጻውዒት ምስሰዓበ ግን፡ስጉመይ ገቲኤ ቁሊሕ ክብል ግድን ነይሩ። እታ ዝጸወዓትኒ ሓብቲ፡ ሓንቲ
ብግምት ኣብ ሓሙሳታት እትርከብ ኮይና፡ ምስኣ ከኣ ደቂ ሰላሳታት ዝመስላ ክልተ ኣሓት ነበራ።
“…..ሰላም እዚ ሓወይ…ሓቀይ ንስኻ ሰሎሞን ዲኻ፧…” ተወከሰትኒ እታ ዝጸውዓትኒ።
“….እወ…እዛ ሓብተይ…” መለስኩላ። “ከመይ ኣለኻ፧” “እግዚኣብሄር ይመስገን ጽቡቕ ኣለኹ። ንስኻትክን’ከ ከመይ ትኾና፧”
“ደሓን ኢና። ናብ’ዚ ምምጻእካ እኳ ሰሚዕና፡ ኣብ’ታ ካብ ኦፈንባኽ እትፍኖ መስትያት እትበሃል ናይ’ቶም ዝቃወሙ ተለቪዥን እውን ቃለመጠይቕ ክትገብር ርኢናካ። ኣብ ኢንተርነት እውን ወጺእካ ኔርካ’’ ኣስዓበትለይ።

“እወ ጽቡቕ ኣለኺ።”
“ደው ደኣ ከየብለካ እምበር ሓደ ነገር’ዶ ክዛረበካ ትፈቕደለይ፧” ዋላ’ኳ ተሃዊኸ እንተነበርኩ፡ ረጊጸያ ኪኸይድ ግን ሕልናይ ኣይፈቐደለይን።
“ሕራይ ቀጽሊ” ድማ በልክዋ።
ክልቴና እናተዘራረብና፡ እተን ሰማዕቲ ጥራይ ዝነበራ ኣሓት፡ ብዓይኒ ስክፍታ ክርእያና ድሕሪ ምጽናሕ “ኣንቲ በጃኺ እንዶ ግደፊዮ እንታይ ገበረኪ፧….ወደይ ይቕሬታ ሰሌ ስቕ ኢላ ኢያ እዚኣ…..” እኳ እንተበላ፡ ጓልያቱ ግን ነታ ፈለማ ሰላም ክትብለኒ ዝጨበጠታ ኢደይ ከይፈነወት ዘረበኣ ቀጸለት።
“ስማዕ እንዶ ሰሎሞን ግዜ ከየጥፍኣልካ ከሕጽረልካ፡፡ ንስኻ ከም ሰብካ ኣብ ድሌትካ ክትነብር ናትካ ውሳነ ኢዩ። እንተኾነ ሃገር ሃገርካ፤ መንግስቲ መንግስትኻ ክትውቅስ ግን…..።” ክትብል ለበዋ ዝመስል ርእይቶኣ ድሕሪ ምፍሳስ ዓይኒ ዓይነይ ጠመተትኒ።
“እወ ሃገርሲ ሃገረይ፡ እንተ መንግስቲ ግን መንግስተይ ኪኸውን ግድን ኣይኮነን።” መለስኩላ።
“ኢሂ ደኣ መንግስትኻ ዘይከውን፧”
“ስለዘይመረጽክዎ።”
እተን ክልተ መሳንይታ ክስሕቃ እንከለዋ፡ ንሳ ግን ብነድሪ ከተስተንፍስ ተዓዘብክዋ። ምሕራቓ ኣይጠፍኣንን።
“ደሓን ናይዞም ኣብዚ ጸጸኒሖም ሰብ ዘጋግዩ ፍልስፍና’ሞ ግደፎ። መፍቶ ፈተውቲ ጸላእቲ ክንከውን ግን ግቡእ ኣይኮነን። ከብዲ’ኮ ካልእ ጸይሩ ኢዩ ዝኸይድ።” ብዝብል ህግደፋዊ ሸፈጥ ክትዓጥነኒ ድማ ሃቀነት።
“እሞ ዝብኢ እግረይ እናቖርጠመኒ፡ ‘ደሓን ስቕ በሉ፡ እቲ ዝብኢ ከይሰምዓና’ ዘይበልኩ ድዩ፧” ሓተትክዋ። “ኣነ ከምኡ ማለትይ ኣይኮንኩን።
ሕሰቦ’ሞ ሃገርና ድኽነትን ጸገምን ክህልዋ ይኽእል፡ እንተ ካልእ ማልእ ግን የብላን። ትርእያ ኣለኻ እዛ ዓለም፡ ገሊኣ ብሱናሚ፤ ገሊኣ ብህቦብላ፤ ገሊኣ ብእሳተ ጎሞራ፤ ገሊኣ ብምንቅጥቃጥ፤ ገሊኣ ብባርዕ፡ ከመይ ተቕለሉ ኣላ፧ እንተ ኣብ ዓድና ግን ካልእሲ ይትረፍ እዝን ወዲ ከምዝን እኳ የብልናን።” ዝብል መስደመም ዘረባ ምስፈነወትለይ፤
“…..ኣሃ…..ሳላ መንግስትና ሙሽ….!፧” በልክዋ ብዳእላዊ ቃና።ሽዑ እውን እተን መሳንይታ፡ ገለ ሓለፍቲ መንገዲ ክሳብ ቁሊሕ ዝብሉ ብዓውታ ክስሕቃ እንከለዋ፤ እንተ መዓዲተይ ግን፡ ብሓውሲ ስንባደ ነታ ነዊሕ ዝሓዘታ ኢደይ ፈነወታ።

ዘረባን እምነትን ናይ’ታ ሓብትና ከምዝእምቶ፡ ህግደፍ ንተፈጥሮ እውን ክመልኽ ዝኽእል ክምህ ዘይብል ልዕለ-ሓያል (super power) ገይሮም ዝጥምትዎ ገርሀኛታት ዘይሰኣኑ ምዃኖም ኢዩ። እዚ ከኣ ካብ’ቲ እቲ ስርዓት ባዕሉ ንነብሱ ዝህቦ ዓርሞሾሻዊ ምስሊ ዝብገስ ከይኮነ ኣይተርፍን። ነዚ ጽውጽዋያዊ ምስሉ ንምንጽብራቕ ኢዩ ድማ፡ ጥር ኢሉን ተመጣጢሩን ንሓራምዝ ክዝልፍን ክጸርፍን ዝስማዕ። ምናልባት እውን እዚ ሕልማዊ ምስሉ ከይሃስሶ ይኸውን፡ ብዛዕባ’ቲ ኣብዚ ቅንያት ኣብ ሃገርና ዘጓነፈ’ሞ ብዓለሙ ዝተዛረበሉ እሳተ ጎሞራን ምንቅጥቃጥን ብዓውታ መግለጺ ምውጽእ ኣሕኒኽዎስ ወሰንወሰን ክብል ዝቐነየ። ኣብ መዝገበ ቃላት ህግደፍ ተፈጥሮኣዊ ተረኽቦ እውን ክስተር ዝግብኦ “ፖለቲካ” ኢዩ። ምናልባት እውን ብዝምልከቶም ዓለማዊ ትካላት ብዛዕባቲ ተፈጥሮኣዊ ተረኽቦ እንተተሓቲቱ፡ “እንታይ ኣእትዩኩም እዚ’ኮ ውሽጣዊ ጉዳይና ኢዩ። ባዕልና ኣሎናዮ” ምባል ኣይመሕነኾን። ኣይግበሮ’ምበር ኣብ ሰብን ንብረትን ሃስያ እንተዝወርድ እውን፤ “ሓገዝኩም ኣየድልየናን ኢዩ” ንምባል ድሕር
ኣይምበለን። ንፈጣሪ “ምስ ወያነን ኣመሪካን ተሻሪኹ” ከይብል እውን ዘስግእ ኢዩ። ይስተረና።

ሰሎሞን ኣበራ

Pinterest

Enough to the Cruel Man in Asmara

22 Nov 2017 Hannan Abdullah Comments (77)

The need of good governance inspires us to say enough to the cruel man in Asmara. It is the historical record…

The Case of “Business and Human Rights” In…

21 Nov 2017 Tesfabirhan Weldegabir Redie Comments (31)

Companies have an obligation to conduct due diligence of their Business activity and this article is a case of “Business…

To Nobody's Surprise, Sanctions on Eritrea Renewed

18 Nov 2017 Salyounis Comments (74)

(1) The Security Council voted to extend the mandate of the Monitoring Group on Somalia and Eritrea (SEMG) and to…

One More Nonagenarian Star 

15 Nov 2017 awatestaff Comments (58)

His name is H. H. Abune Makarios, an inspiring and pious church leader. In 2009, His Holiness Pope Shenouda III,…

Music

Cartoons

Links

Follow Us

Email
Print